Që nga viti 2019, KS FACTOR kthen nevojat dhe sfidat e komunitetit në mundësi konkrete për zhvillim dhe ndryshim pozitiv.
Shoqata KS FACTOR është një organizatë jofitimprurëse e regjistruar me vendim nr. 6137, datë 21.01.2019, të Gjykatës së Rrethit Gjyqësor Tiranë, me seli në Tiranë.
KS FACTOR vepron në fushën sociale, ekonomike, kulturore dhe edukative, duke synuar të kontribuojë në zhvillimin e qëndrueshëm të komunitetit, fuqizimin e individit dhe krijimin e mundësive të reja për punësim dhe përfshirje sociale.
Nëpërmjet programeve, projekteve dhe iniciativave të saj, shoqata punon për të adresuar sfidat sociale dhe ekonomike, për të nxitur pjesëmarrjen aktive të komunitetit dhe për të krijuar mundësi për zhvillim personal e profesional.
Të kontribuojmë në progresin social, ekonomik dhe kulturor të komunitetit, duke krijuar mundësi për edukim, punësim, zhvillim profesional, sipërmarrje dhe pjesëmarrje aktive në shoqëri.
Përmes bashkëpunimit me institucione, organizata, ekspertë, biznese dhe komunitetin, synojmë të kthejmë nevojat dhe sfidat e komunitetit në mundësi konkrete për zhvillim dhe ndryshim pozitiv.
Një shoqëri më e zhvilluar, gjithëpërfshirëse dhe e qëndrueshme, ku çdo individ ka mundësi të zhvillojë potencialin e tij, të marrë pjesë aktivisht në komunitet dhe të kontribuojë në zhvillimin ekonomik, social dhe kulturor të vendit.
Qëllimi i KS FACTOR është të identifikojë, zhvillojë dhe promovojë nisma që kontribuojnë në zhvillimin ekonomik, social dhe kulturor të komuniteteve në Shqipëri.
Shoqata synon të krijojë mundësi për punësim, edukim, zhvillim profesional dhe përfshirje sociale, duke ndërthurur përpjekjet për reduktimin e varfërisë dhe pabarazive me nxitjen e një zhvillimi të integruar dhe të qëndrueshëm.
Një rëndësi e veçantë i kushtohet rritjes profesionale, krijuese dhe intelektuale të individit, përmes edukimit, informimit, aksesit në media dhe zhvillimit të aftësive.
KS FACTOR i drejtohet një audience të gjerë dhe gjithëpërfshirëse, me synimin për të krijuar mundësi të barabarta, për të fuqizuar kapacitetet dhe për të përmirësuar cilësinë e jetës.
Zhvillojmë dhe zbatojmë programe që adresojnë nevoja konkrete të komunitetit, me rezultate të matshme dhe ndikim afatgjatë.
KS FACTOR regjistrohet në Tiranë. Nis fushata “Shkruaj Shqip!” dhe projekti pilot KSVL/A në Vlorë me World Vets dhe Protect Me Albania.
Takimi i parë WeWomen me Europe House, webinarët “Ne dhe Shqipja” dhe “Pushuesit dhe Endacakët”, dhe aktivitete solidariteti gjatë pandemisë.
“Tirana Shah – Mat” për 100-vjetorin e Tiranës Kryeqytet dhe “Laboratori i Argjilës” me mbështetjen e Ministrisë së Kulturës.
Programi DMS4Youth për marketingun digjital dhe trajnimi “Komunikimi Efektiv në Sipërmarrje”.
“Albania Shah – Mat” prezantohet në Asamblenë e WIPO në Gjenevë. Lansohen aplikacionet TREASURY Tirana dhe TRAILS Tirana.
TRAILS Durrësi me Ministrinë e Turizmit dhe Mjedisit, dhe 250 qen të trajtuar në Vlorë me Bashkinë Vlorë.
“Opportunity Youth” me rreth 100 të rinj në Malësi e Madhe, Shkodër dhe Vau-Dejës, me mbështetjen e AKR.
Nis platforma kombëtare MAYA dhe programi për fuqizimin ekonomik të familjarëve të punonjësve të Policisë së Shtetit të rënë në detyrë.
Ne besojmë se ndryshimi i qëndrueshëm ndërtohet përmes bashkëpunimit. Për këtë arsye, KS FACTOR punon në partneritet me institucione publike, organizata të shoqërisë civile, institucione arsimore, biznese, ekspertë, media dhe aktorë të tjerë të komunitetit.
Këto partneritete na mundësojnë të zhvillojmë iniciativa më gjithëpërfshirëse, të shkëmbejmë eksperienca dhe të krijojmë mundësi të reja për komunitetin.
